Tuesday, June 21, 2022

📍山頂玩樂|一齊嚟玩轉🎩大富翁夢想世界主題館💰

相信好多人都聽過或者玩過大富翁,但係你哋又了唔了解大富翁呢?


大富翁係一種多人玩嘅策略Board Game,參賽者分得遊戲金錢,憑運氣(擲骰子)同埋交易策略,買地、起樓嚟賺取租金。遊戲最後只得一個勝利者,其餘都破產收場;呢個遊戲起源於美國,由美國遊戲發明家Elizabeth J. Magie設計,1935年喺美國發售,1936年推出英國版;之後大受歡迎,80多年嘅經典、風靡全球嘅桌上遊戲大富翁現今已被翻譯成47種語言,於114個國家發行,售出接近3億盒,累積超過10億玩家,Facebook粉絲亦超過1千萬。


想體驗一下真人版《大富翁》?咁就一定要嚟坐落喺山頂嘅大富翁夢想世界主題館喇!



大富翁夢想世界主題館位於山頂廣場3樓,搭電梯上去時會見到「大富翁夢想世界歡迎您!」嘅門牌,好快就已經可以感受到「要進入大富翁夢想世界」嘅感覺啦!



拎完飛入去玩之前,記得要喺個招牌前📷影相打卡呀!



宜家購買門票即送精美嘅紀念明信片,呢到仲有珍藏紀念限量發售嘅郵票呢!

真係靚到唔捨得寄呀😍



參觀大富翁主題館嘅前部分係有職員帶住同埋講解,後部分就係自由探索!


入場之後會先進入一部電梯內,再透過電梯到達大富翁先生嘅神秘大宅!



大富翁先生嘅神秘大宅內掛滿了油畫和動畫,介紹大富翁先生由做車房到做地產,成為大富翁嘅事蹟!


另一邊可以見到佢嘅書枱,上面擺放咗一副珍藏版大富翁-「大富翁典藏版-富蘭克林鑄幣廠」!



除了書枱上嘅珍藏版,房間內亦都展示出唔同年份唔同版本嘅大富翁,包括有1930-1940年版、1941年版、1990年日本版、1994年兒童版、60週年紀念版、1995年香港版、 1997年香港回歸紀念限量發行版、 1999年星球大戰第一集收藏版等等,每一副都係非常珍貴呢!



個到仲展覽咗大富翁先生嘅帽子、權杖同埋各種特別嘅紀念收藏品,真係大開眼界呀!



喺大富翁先生嘅大宅內最重點要介紹嘅就係被Guinness世界紀錄認證嘅「大富翁先生超級跑車棋子」啦!



參觀完大富翁先生嘅神秘大宅之後,穿過一條神秘通道就會嚟到大富翁城市!




進入大富翁城市後,首先我哋會去火車站(4D影院)體驗4D特效嘅影片,影片講述大富翁同鑽石大盜展開激烈嘅追逐,當中呈現咗唔少香港港島街頭嘅情景,以第一視覺拍攝加上4D特效,非常生動呢!


睇完影片就會去到大富翁超級電子銀行,💸大富翁鈔票滿天飛💸,執到就可以帶走! 

每人有1次機會,20秒內「執錢」,執到嘅錢真係可以用架🤣



大富翁遊戲錢有$10、$20、$50和$100,分別可以當HK$1、HK$2、HK$5和HK$10喺館內嘅禮品店同埋小食店使用!


注意:禮品部每筆交易最多可使用三張大富翁鈔票,輕食區每筆交易只可使用一張大富翁鈔票

所以喺到玩嘅「執錢」秘訣:唔係執得多就用得晒,盡量執$100或$50!


之後就係自由探索時間啦!


我哋先係大富翁城市嘅中心位置📷影相打卡,可以同紅色郵筒📮電話亭☎️同埋🎩大富翁合照呀!



仲有好多場景立體還原大富翁裡面嘅經典遊戲元素,包括銀行、監獄、水務局、地契卡、機會卡、命運卡等立體呈現眼前,每個場景都會有一些互動小遊戲,例如:大富翁監獄就有捉拿小偷遊戲、 大富翁先生金庫內有解碼遊戲等等,打卡影相之餘都可以體驗多種樂趣!




❤️個人最喜歡就係喺夢想地產同埋大富翁先生金庫打卡影相,幻想一下呢一刻全部嘅地同黃金都係屬於我嘅🤩🤩🤩




🤗溫馨提示:

玩嘅時候大家記得要細心啲呀!我掛住影相都唔記得喺夢想地產印製獨家地契添!

喺夢想地產,大富翁先生會送你一塊地,Scan入場門票就可以印製獨家地契!

又錯過咗喺富翁水務局體驗水管維修🤣唯有留番下次再玩啦!


比起玩遊戲,我都係擅長搵影相打卡位😂😂呢個位置比較隱蔽

📍喺幸運棋盤位置,有一幅佈滿「機會卡」嘅霓虹燈牆,非常打卡able呀!




最後喺幸運棋盤嘅遊戲贏到小食店HK$15優惠,再拎埋頭先喺大富翁超級電子銀行「執到嘅錢」去消費啦!



🎁大富翁禮品店提供限量版大富翁、香港特別版大富翁、電車版大富翁同埋其他周邊產品等等,好多禮品都好吸引同好想要😍,個人覺得山頂地契嘅Tote Bag最特別同實用呢!



玩到有啲肚餓,可以喺大富翁特色小食店😋食埋嘢!



大富翁先生黑芝麻包(100%本地人手製造)

😋食後感:

-好坦白係因為有大富翁個樣而買😂見到實物完全冇失望,好可愛嘅大富翁樣📷相機食先之選

-熱辣辣,裡面好多芝麻,味道唔錯


特濃朱古力

🥤飲後感:

-杯面係大富翁嘅棋盤設計,杯頂仲有小屋形狀嘅蓋,好得意呀~有種好想收藏嘅衝動😂

-好濃嘅朱古力味,好飲


大富翁主題館神還原咗好多經典嘅遊戲元素,玩過大富翁嘅朋友參觀體驗時一定會好有共鳴同埋好投入,而且場景豐富多元化多互動,不停影相打卡玩遊戲,好忙碌呢😂😂😂




📍香港山頂🎩大富翁夢想世界主題館

地址:香港山頂道118號山頂廣場3樓




最後送上我嘅玩大富翁小分享:

記得第一次接觸大富翁係喺讀大學嘅時候同一班同學仔一齊喺Cafe玩,一玩就愛上😂真係每次都玩到好興奮同刺激😂,每次都玩到唔捨得走呀!


點解可以玩得咁興奮同刺激?因為我哋係出盡全力去玩,完全唔留手😂

🎩以下係綜合我哋玩咗咁多年大富翁嘅心得分享:

💰開頭要盡情搶住買地、起屋,特別係貴嘅地區

🚇要有策略地買地,例如:同一隻色嘅地鐵線、所有公營機構一次過買,必要時同人交換互惠互利

😈最鐘意睇人踩中自己啲地🤑特別係起完屋嘅地

😂最刺激係講數談判交換時候

🏦玩到銀行冇錢就代表遊戲接近尾聲

😆最開心就係睇邊個破產先🤣🤣🤣




鐘意玩大富翁嘅朋友,你哋去咗體驗真人版《大富翁》未呢?

🔗網上購票:https://bit.ly/3NGZ6Fs 


=========================

而家 Trip.com 仲做緊當地體驗優惠🈹 DBS Mastercard / Mastercard / 消費券支付都有得平!詳情可以去官網睇


加入埋 Trip Moments post📝仲可以賺 Trip Coins 同免費體驗機會:https://bit.ly/3tnc9nr 



   

 


Monday, June 20, 2022

📍山頂吃喝玩樂套餐|📷香港杜莎夫人蠟像館+😋金玡居

上山頂玩唔係遊客嘅專利😂

趁住週末假期上山頂體驗香港杜莎夫人蠟像館+金玡居麵食套餐嘅活動啦!


我哋先🤤吃喝後😆玩樂~


金玡居係一間食台灣麵嘅餐廳,餐廳環境以金和木系顏色為主,優雅柔和!

聯同香港杜莎夫人蠟像館的麵食套餐有指定嘅餐單,我哋選擇咗兩款安格斯牛肉拌麵!



🐂安格斯牛肉油滋拌麵🌶

食後感:

-少少辣好野味,食完一啖會想繼續食嘅感覺

-麵條好有彈牙,好有口感

-少少青瓜絲可以中和返個辣味,好爽口又多咗另一個口感

-估唔到安格斯牛肉配野味辣係好好食架😋推介同埋會Encore之選👍🏻


🐂安格斯牛肉麻醬拌麵

食後感:

-同行者選擇咗安格斯牛肉麻醬拌麵,我就係佢到食咗一啖試味,好濃郁嘅麻醬同花生醬味,適合鐘意食濃味嘅朋友

-麵條係另一種,似油麵質地但幼身少少,麵條好吸醬的味道

-同行者表示不過食到一半會有愈食愈膩嘅感覺,可能係太多醬,建議可以減少少


🍵宇治抹茶奶茶(熱)

飲後感:

-個人覺得味道太淡,開頭飲抹茶味濃,飲到1/3就有少少苦同奶味,完全冇甜味


🥤檸檬冬瓜茶(凍)

飲後感:

-先檸檬後冬瓜味,味道剛剛好,冬瓜唔會太甜,好飲👍🏻

   

📍金玡居 (山頂廣場)

地址: 山頂山頂道118號山頂廣場1118號舖




食飽之後就開始玩樂啦!

金玡居喺山頂廣場內,而蠟像館喺淩霄閣那邊,所以要過去對面嘅建築物!


杜莎夫人蠟像館源自英國,總部喺倫敦,擁有悠久歷史嘅蠟像館蠟像造型逼真,香港分館喺2000年開幕,係杜莎夫人蠟像館喺亞太區設立嘅首個分館,係一個可以近距離同名人名星「接觸」嘅地方!



我哋都有一段長時間冇嚟香港嘅蠟像館喇!唔知道宜家變成點呢?


踏入門口/售票處位置,見到五光十色嘅霓虹燈,好有懷舊香港嘅感覺呢!





宜家嘅蠟像館分咗13個主題區,包括:


1. 魅力香江


2. 時尚專區



3. 風雲人物


4. 藝術館

5. 世界首映

6. 功夫專區

7. 韓流專區

8. 體壇猛將


9. 自拍咖啡館


10. 樂壇巨星


11. 動漫遊戲世界



12. 幕後之旅
13. 精品廊




以上1-8, 10-11都係唔同場景有唔同嘅蠟像可以打卡影相📷

❤️個人最喜歡係時尚專區、藝術館同埋樂壇巨星


9, 12-13 就分別有唔同嘅目的同埋用途!


📍自拍咖啡館係一個比大家自拍嘅空間📸

❤️個人最喜歡雪糕區域🍦


📍幕後之旅可以見到有關蠟像製作過程嘅展覽及影片介紹:

👍🏻喺度可以了解到一個蠟像嘅誕生

度身取樣>塑造雛型>製模>植髮>著色>製作眼睛和牙齒>最後修飾



📍精品廊~覺得意猶未盡?可以喺度將啲特別嘅紀念品帶返屋企

喺度發現咗一幅Mirror嘅畫作,😆不禁諗到唔知遲啲會唔會有Mirror嘅蠟像呢?



蠟像館裡面除咗有好多打卡影相位,亦有唔少互動嘅元素,不知不覺就喺裡面玩咗2個鐘喇!


📍香港杜莎夫人蠟像館

地址:香港山頂道128號淩霄閣p101號鋪

營業時間:11:00 - 20:00(最後入場時間:19:30,以園內當天公告時間為準)



如果你都想體驗呢個山頂吃喝玩樂套餐?可以到以下連結網上預訂!


蠟像館+金玡居麵食套餐 HK$220

‼️蠟像館+金玡居麵食套餐+大富翁夢想世界 HK$338(用Promo CodePEAK100】)

🔗購票:https://bit.ly/3QoQwwT 



@madametussaudshongkong #香港杜莎夫人蠟像館 #MadameTussaudsHongKong 

=========================

而家 Trip.com 仲做緊當地體驗優惠🈹 Mastercard / 消費券支付再有得平!詳情可以去官網睇


加入埋 Trip Moments post📝仲可以賺 Trip Coins 同免費體驗機會:https://bit.ly/3tnc9nr