白川鄉民宿令我依依不捨，京都民宿令我流連忘返......
到達京都嘅時候已經係晚上11點幾喇，好在事前通知左民宿主人夜D到，不過我地都比想像中夜呀！好在佢地有等我地門，知道我地未食飯，仲等我地食埋野先鎖門，好感動呀！
入去嘅時候，應門嘅係一位講普通話好流利嘅日本人，仲以為佢係民宿主人呢！原來只係住客，佢好熱心地通知民宿主人我地到左，仲為我地搬行李帶路，咁夜真係打攪晒啦！
網上圖片：十四春旅館
http://14haru.com
置身於明治末期建造嘅京町屋，擁有有形文化財登錄證嘅旅館住2晚，就好似穿梭時空，係一個好好嘅體驗呢！
我地住和室4.5畳，雖然不太大，但亦都好舒服架！
放輕腳步，參觀左一圈民宿後，發覺呢度好似忍者屋，牆可以係門，民宿主人突然出來，又會突然消失，很好玩呢！喺走廊，感受完晚上嘅寧靜！
食埋晚上奉上嘅綠茶同お菓子……
把燈調暗，走廊嘅燈照射入黎，好有古代嘅感覺呢！但設施上好現代，所以好適合遊客居住，唔會唔習慣XD
第1日早餐，2人霸左成間房
燒三文魚好正呀！
花蛤麵豉湯都好入味呢！
十四春旅館平面圖－原來我住 ”松の內” 呢！
看著日本電視節目，食著日式早餐，可以慢慢的享受，真好！(想起平時早餐都是怱怱忙忙在路上食完XD都不懂得享受早上的第1餐呢！)
第2日多左好多住客，4人早餐，排得滿滿呢！
早上嘅走廊，就算靜靜坐著，望著庭園，都可以躺一個下午呢！
可惜行程緊密，在民宿時間不多！>.<
臨出門前，寄存行李後，實在覺得這個房子太神秘喇！忍唔住又行左幾圈參觀一下其他房間。原來10點幾開始，佢地就要準備打掃房間、清潔等等，好忙碌呢！
同民宿主人影完相，我地都出去玩，唔阻佢地工作喇！
