除左墾丁大街夜市，原來仲有個恆春週日夜市架！
我地今次好好彩撞正每個星期1次嘅恆春週日夜市喇！
呢度冇門牌，只係見到牆上嘅字跡！
呢個夜市好多元化呢！
第一次見到麵包咁樣攤開黎賣！
台劇中，女生們坐機車時戴嘅頭盔，好可愛呀!
夜市中都有街邊盲人按摩？
連寵物都有得賣？真係估唔到呢！
好似小型遊樂場呀！
呢度有好多野食呀！
哈！不過呢3樣都係我獨愛，差唔多每次夜市都會食！
燒栗米
大腸包小腸
臭豆腐
呢度有好多檔口，但一D都唔迫，好好行呢!
講到恆春美食，當然唔少得小杜包子啦！
上年喺墾丁食過之後，一直回味呢！
雖然好多人，好彩係依號買包，唔需要排隊姐！
唔洗15分鐘我地就買到包子啦！非常有效率呀！
有包子記號卡，方便我地分口味！
包子好鬆軟，好足料，依然好好味呢！
今次我食左蛋黃香菇肉包同咖喱菜包，
我覺得蛋黃香菇肉包最好食！
買野飲就係另一邊，係個櫃揀就得！
雖然我好鐘意飲冬瓜茶，但今次我就試下烏梅汁啦！
之後就係呢度比錢！
原來樓上有得坐住食架！
我地發現左上面有個小天地呀！
大人小朋友都有得玩架！
