16天台灣環島遊：踩單車夜遊台北

Day 14 台北夜生活

台北喺我地出發嘅地方，第1個行程就係喺陽明山睇日出，好似已經係好耐之前嘅事呢！今次我地就黎個踩單車夜遊台北，好好感受下台北美麗嘅街景啦！

上一次喺高雄有導遊載我一程，就可以輕輕鬆鬆，但今次要自己親力親為就要加油喇！XD

第1站：總統府

第1次踩單車經過總統府前面呢！喺呢個位影相同拍片都好特別架！不過影呢個Shot就要喺馬路中心，係趁住10幾秒嘅綠燈時影喇！XD

第2站：中正紀念堂 

去到中正紀念堂同兩廳院嘅範圍只可以推，唔可以踩！

第3站：兩廳院

夜上嘅兩廳院比日頭更靚呢！呢邊冇打燈，就影下我地個剪影啦！XD

第4站：南機場夜市

跟隨著導遊Jim，我地踩到左南機場夜市喇！南機場夜市雖然唔大，攤位亦比較少，但裡面賣嘅食物都好多元化架！

而且呢度唔會太迫，逛起黎比較輕鬆自在D呢！好鐘意呢個夜市呀！我地開始搵食喇！

Albey 話好想試下呢個火焰骰子牛喎！

果然好好食呢！

見到燒栗米，我又忍唔著衝左過去買喇！

呢個燒栗米真係超好食，好入味呀！仲可以揀大細、味道、同軟硬度添！

係我成個旅程食過最好味架！

之後黎個現炸嘅魷魚配上檸檬椒鹽，正！

最後Jim仲帶左我地去來來水餃館，好多人排隊買水餃呢！

食左第1啖就知道呢度嘅水餃真係好好食呀，唔怪得咁多人啦！

南機場夜市多數以在地人為主，呢到可以話係臥虎藏龍呀！

第5站：馬場町紀念公園

食飽飽，我地踩到左馬場町紀念公園！然後放下單車，散下步，欣賞一下河邊景色先！

第5站：國立台灣大學

最後Jim帶我地黎到台大睇帥哥？說好的帥哥呢？XDXD

Yeah！我地完成左台北單車夜遊體驗啦！

上一次遊台北主要都係坐捷運，一個點都一個點好方便！但今次喺公路上踩著單車，沿途可以見到更多風景，鐘意停就停，踩就踩，好自由呢！想有我地嘅體驗？夜遊臺北 - 讓臺北青年帶你認識臺北！https://www.kkday.com/zh-tw/product/1635?cid=2076


待續......下篇：16天台灣環島遊：回到原點的心情更多分享與交流：Facebook: www.facebook.com/lifegoesonfreestyletravelerlnstagram：york.york.freestyle_traveler