16天台灣環島遊：花蓮車站鐵路便當

Day 14 花蓮車站＞ 花蓮機場＞台北

完左喺花蓮最後1個行程之後，我地又返到黎花蓮車站喇！
不過今次我地要落車，自己去機場喇！
距離起飛仲有D時間，我地就去試下花蓮車站嘅鐵路便當啦！

花蓮車站嘅鐵路便當，可以堂食，亦都可以外帶。

我地當然要堂食，感受一下個份懷舊味道啦！
睇完餐牌後，我地分別點左嫩香排骨和煙燻雞腿。

可愛嘅Hello Kitty便當盒，但入面就係懷舊嘅台灣口味呢！

鐵路便當‧煙燻雞腿，超好食！

好食到Albey 都想食XD 不過佢喉嚨痛，就只可以睇我食啦！

我好鐘意食便當，日本嘅， 台灣嘅，香港嘅都鐘意！
日本嘅便當好精緻，台灣嘅便當有D似香港嘅'兩餸飯' 不過配菜比較多，各有特色！
如果鐵路便當係台灣嘅懷舊味道，咁燒味飯就係香港嘅地道口味喇！
旅行就係要尋找地道嘅懷舊味道！
花蓮懷舊鐵路便當
地址：花蓮縣花蓮市國聯一路57號
電話：03-8333538、0926-949776
營業時間：早上１０：００～睌上２０：００（公休日請注意店內公告）

食完便當我地就要出發去機場喇！
話說我地個行李箱咁大，冇理由拖著佢周圍走架！
好彩我地事先喺車站搵到個寄存位姐！

呢個價錢真係好抵呢！

我地搭下午4點半機返台北，呢一程機我地唔再係興奮地去一個新地方，而係有D 依依不捨！

16日旅程黎到第14日，我地又返回我地最初相遇嘅地方－台北！

待續......
下篇：16天台灣環島遊：踩單車夜遊台北

更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler

16天台灣環島遊：花蓮賞鯨豚遊船體驗

Day 14 花蓮休閒碼頭

喺花蓮最後1個旅程，我地黎到左休閒碼頭，準備前往花蓮外海尋找鯨豚喇！

首先指導人員教導大家正確嘅救生衣著法！

之後我地就上呢隻”鯨世界三號” 出海喇！

搭上船隻，吹著海風，欣賞著花蓮外海嘅風景！

我地發現成個花蓮沿岸後面都有D約隱約現嘅山脈，又有D雲海，好似海市蜃樓呢！
定係其實個到係太魯閣呢XD

睇番Google Map 我地原來真係喺花蓮外海呢！

船員一直企喺船嘅最高點尋找鯨豚嘅蹤跡呢！

等緊嘅時候，我地又開始無聊地交流喇！哈哈！ 想知？睇片啦！

大風到我地D頭髮都亂晒呢！又曬又大風，所以影相拍片個樣都=.=|| 

不知不覺我地喺海上繞左一個小時多，都仲未發現鯨豚們嘅蹤跡，就諗起船員講過未必每次出海都會見到鯨豚，呢D都好講緣份呢！
正當我地覺得今日應該都睇唔到鯨豚之際，船員突然廣播要我地向遠方嘅海面望過去！

飛旋海豚終於出來同我地SAY HELLO喇！

成群結隊嘅飛旋海豚喺我地嘅船隻旁邊不停咁跳躍，非常壯觀呢！
(片尾有佢地活躍嘅片段呢！）

第一次咁近見到咁多海豚出現，真係好興奮，好感動呢！
喺海上搵左咁耐，終於見到海豚仔啦！

我地都順利地完成晒我地嘅花蓮之旅喇！

想有我地嘅體驗？
【與鯨豚奇遇】花蓮賞鯨游船體驗
https://www.kkday.com/zh-tw/product/1875?cid=2076

待續......
下篇：16天台灣環島遊：花蓮車站鐵路便當

更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler

16天台灣環島遊：花蓮夜間抓溪蝦

Day 13 花蓮砂婆礑溪夜間

夜晚我地又跟隨著教練去溪邊喇！不過今次唔係溯溪，而係捉蝦！
捉蝦前我地要換上水鞋！

拎好捉蝦工具，包括網、頭燈、放蝦嘅筒，準備好就出發，我地去捉蝦喇！

夜晚嘅溪間好陰深恐佈呀！

我一落水就已經比一隻青蛙嚇到，佢跳左上我大脾>.< OMG 仲要我搵眼睛發紅光嘅溪蝦，真係唔知道我見到會有咩反應呢？
我地一班人由下游開始搵到上游，教練話要好平靜咁觀察D 蝦係邊，石頭旁，野草旁會特別多。
可惜我眼力唔好，喺水入面我一隻都睇唔到呢！XD
搵到咁上下，教練已經捉到幾隻喇！拎左1隻黎講解蝦嘅種類比大家認識！

然後教練同Albey 走到深水處搵到兩隻！
我第一次睇到咁大嘅生蝦呢！
當我打算拎住佢影相時，佢郁一郁D腳，我已經大叫驚到馬上放手，隻蝦就咁走左啦XD 
真係蝦哈哈！
好彩仲有1隻可以影下相XD，不過今次我唔拎啦！ 

原來我都仲係好驚生嘅海洋生物呢！

今晚嘅行程，Albey 就覺得生嘅溪蝦好得意喇！
雖然我比D蝦嚇左一跳，不過我都有碰過佢1 秒架XDXD

捉完溪蝦後，又肚餓、又累呢！

返到集合地點時，猛男教練們正在為大家準備BBQ晚餐呢！
好搞笑！大家都好似幾日冇食野咁，第一道菜一拎出來，唔到1分鐘就已經被清空喇！

唔好誤會呀！呢個唔係我地捉嘅蝦呢！XD 我地捉嘅已經放左生喇！

晚餐好豐富，有海鲜、雞、豬，而且喺郊區野生BBQ, 特別有農村嘅風味呢！

燒雞翼我最鐘意食！


想有我地嘅體驗？
花蓮夜間抓溪蝦mix歡樂星空BBQ
https://www.kkday.com/zh-tw/product/1850?cid=2076

待續......
下篇：16天台灣環島遊：花蓮賞鯨豚遊船體驗

更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler

16天台灣環島遊：花蓮溯溪大冒險

Day 13 花蓮砂婆礑溪日間

黎到旅程嘅第13日，我地欣賞左好多台灣大自然嘅美，現在我地就再靠近一D，黎抱抱大自然啦！
我地今日行程係去花蓮嘅砂婆礑溪體驗溯溪活動！

呢個係我地成個行程最怕嘅活動呀！我怕水，Albey 怕高，我地平常又唔多運動，所以對我地黎講呢個又係一個重大嘅挑戰呀！

睇到咁誇張嘅裝備後，好似要好小心同做好防護措施先唔會受傷咁！
單睇教練示範安全配備時，我地都開始好緊張喇！

之後我地拎好裝備就入去更衣棚換衫喇！教練提示換衫唔好太大動作，如果唔係好易連人帶棚成個跌底架XD

換好裝備，我地出發！

打頭陣係捉著繩子爬石，當然難唔到我地啦！

呢個活動抵讚嘅地方係有攝影師跟隨，去到每個特別位都會幫你影個人同團體相，係一個好好嘅Service呢！拍片就要靠自己喇！XD 

呢個係出洞照XD 

有D位教練會將你推入水，務求做到拍攝效果XD （原來呢D都係小兒科，好戲在後頭呢！）

我地從下游慢慢邊玩邊爬上去砂婆礑溪嘅上遊，然後喺上游較深嘅水開始跳水啦！

好緊張呀！先係1米高，睇我仲笑得出，更係冇事啦！

再黎3米，嘩！有D驚添！教練一句再唔跳推你落架，即刻快快跳先XD

呢個位我驚嘅係我跳左入去水，我對Con會唔會脫落多D，所以合眼閉氣，跳呀！

喺溪谷中，我地突破左自己，從3米高嘅石頭上跳落來，係估唔到嘅刺激好玩呢！
其實仲有個7米XD 哈！本來都好想再挑戰一下，不過之後我地就安排左去玩天然Spa 同天然溜滑梯，所以就算喇！
原來浮喺水上享受大自然係咁舒服架！

當我地舒服完，教練話比我地聽仲有精彩表演=0=||| OMG
開頭睇住一個個以唔同方式被掉落水，我同Albey睇到O晒咀，教練們就玩得開心喇！
愈遲落去對待就愈恐怖呢XD 不過個一刻我又沒有話特別驚，可能跳左2次水，warm up左，反而Albey 真係嚇到不停大叫呢XD （我地下場係點？睇片啦！）

喺3個小時內，我地渡過溪間、攀登瀑布同跳水，仲有享受天然spa、天然溜滑梯，既刺激好玩又舒服安全，真係好值得推介呢！

喺教練嘅專業同幽默指導下，我地完成左溯溪活動喇！ 

返去換完衫後，已經有碗熱熱嘅湯麵等緊我地喇！

玩完之後，好好彩我地被邀請去佢地嘅後場參觀呢！

呢D裝備都係我地頭先用過既呢！

有分唔同Size，好齊全呀！

想有我地嘅體驗？
【刺激新玩法】花蓮溯溪大冒險
https://www.kkday.com/zh-tw/product/1845?cid=2076



待續......

下篇：16天台灣環島遊：花蓮夜間抓溪蝦
更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler