16天台灣環島遊：花蓮賞鯨豚遊船體驗

Day 14 花蓮休閒碼頭

喺花蓮最後1個旅程，我地黎到左休閒碼頭，準備前往花蓮外海尋找鯨豚喇！

首先指導人員教導大家正確嘅救生衣著法！

之後我地就上呢隻”鯨世界三號” 出海喇！

搭上船隻，吹著海風，欣賞著花蓮外海嘅風景！

我地發現成個花蓮沿岸後面都有D約隱約現嘅山脈，又有D雲海，好似海市蜃樓呢！
定係其實個到係太魯閣呢XD

睇番Google Map 我地原來真係喺花蓮外海呢！

船員一直企喺船嘅最高點尋找鯨豚嘅蹤跡呢！

等緊嘅時候，我地又開始無聊地交流喇！哈哈！ 想知？睇片啦！

大風到我地D頭髮都亂晒呢！又曬又大風，所以影相拍片個樣都=.=|| 

不知不覺我地喺海上繞左一個小時多，都仲未發現鯨豚們嘅蹤跡，就諗起船員講過未必每次出海都會見到鯨豚，呢D都好講緣份呢！
正當我地覺得今日應該都睇唔到鯨豚之際，船員突然廣播要我地向遠方嘅海面望過去！

飛旋海豚終於出來同我地SAY HELLO喇！

成群結隊嘅飛旋海豚喺我地嘅船隻旁邊不停咁跳躍，非常壯觀呢！
(片尾有佢地活躍嘅片段呢！）

第一次咁近見到咁多海豚出現，真係好興奮，好感動呢！
喺海上搵左咁耐，終於見到海豚仔啦！

我地都順利地完成晒我地嘅花蓮之旅喇！

想有我地嘅體驗？
【與鯨豚奇遇】花蓮賞鯨游船體驗
https://www.kkday.com/zh-tw/product/1875?cid=2076

待續......
下篇：16天台灣環島遊：花蓮車站鐵路便當

更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler

16天台灣環島遊：花蓮溯溪大冒險

Day 13 花蓮砂婆礑溪日間

黎到旅程嘅第13日，我地欣賞左好多台灣大自然嘅美，現在我地就再靠近一D，黎抱抱大自然啦！
我地今日行程係去花蓮嘅砂婆礑溪體驗溯溪活動！

呢個係我地成個行程最怕嘅活動呀！我怕水，Albey 怕高，我地平常又唔多運動，所以對我地黎講呢個又係一個重大嘅挑戰呀！

睇到咁誇張嘅裝備後，好似要好小心同做好防護措施先唔會受傷咁！
單睇教練示範安全配備時，我地都開始好緊張喇！

之後我地拎好裝備就入去更衣棚換衫喇！教練提示換衫唔好太大動作，如果唔係好易連人帶棚成個跌底架XD

換好裝備，我地出發！

打頭陣係捉著繩子爬石，當然難唔到我地啦！

呢個活動抵讚嘅地方係有攝影師跟隨，去到每個特別位都會幫你影個人同團體相，係一個好好嘅Service呢！拍片就要靠自己喇！XD 

呢個係出洞照XD 

有D位教練會將你推入水，務求做到拍攝效果XD （原來呢D都係小兒科，好戲在後頭呢！）

我地從下游慢慢邊玩邊爬上去砂婆礑溪嘅上遊，然後喺上游較深嘅水開始跳水啦！

好緊張呀！先係1米高，睇我仲笑得出，更係冇事啦！

再黎3米，嘩！有D驚添！教練一句再唔跳推你落架，即刻快快跳先XD

呢個位我驚嘅係我跳左入去水，我對Con會唔會脫落多D，所以合眼閉氣，跳呀！

喺溪谷中，我地突破左自己，從3米高嘅石頭上跳落來，係估唔到嘅刺激好玩呢！
其實仲有個7米XD 哈！本來都好想再挑戰一下，不過之後我地就安排左去玩天然Spa 同天然溜滑梯，所以就算喇！
原來浮喺水上享受大自然係咁舒服架！

當我地舒服完，教練話比我地聽仲有精彩表演=0=||| OMG
開頭睇住一個個以唔同方式被掉落水，我同Albey睇到O晒咀，教練們就玩得開心喇！
愈遲落去對待就愈恐怖呢XD 不過個一刻我又沒有話特別驚，可能跳左2次水，warm up左，反而Albey 真係嚇到不停大叫呢XD （我地下場係點？睇片啦！）

喺3個小時內，我地渡過溪間、攀登瀑布同跳水，仲有享受天然spa、天然溜滑梯，既刺激好玩又舒服安全，真係好值得推介呢！

喺教練嘅專業同幽默指導下，我地完成左溯溪活動喇！ 

返去換完衫後，已經有碗熱熱嘅湯麵等緊我地喇！

玩完之後，好好彩我地被邀請去佢地嘅後場參觀呢！

呢D裝備都係我地頭先用過既呢！

有分唔同Size，好齊全呀！

想有我地嘅體驗？
【刺激新玩法】花蓮溯溪大冒險
https://www.kkday.com/zh-tw/product/1845?cid=2076



待續......

下篇：16天台灣環島遊：花蓮夜間抓溪蝦
更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler

16天台灣環島遊：墾丁拼車一日遊 (下篇)

Day 7 墾丁 沙灘、日落、雙彩虹、下雨！

食完午飯後，我地就繼續行程啦！
下午都係有5個地方！全部我都未去過，當然要相機不離手不停咁影啦！

第6站: 阿嘉的家 

我冇睇過海角七號，所以去到阿嘉的家都唔係太有同感！
不過我會因為去過一個地方而睇一部電影嘅！哈！就好似上年嘅”Notting Hill”咁！

阿嘉的家旁邊嘅cafe, 好想入去睇下呀！可惜只停留20分鐘，咁我地就唯有window eating啦！

第7站: 出火特別景觀區 

好特別嘅自然景觀呀！夜晚去應該會比較睇得明顯呢！

第8站: 白沙灣 

我地有1小時好好享受沙灘、吃、喝、買、玩樂!

我飲左”最難喝到的冰鑽焦糖鮮奶茶”XD 
好搞笑，亦都係好冒險嘅宣傳呢！

第9站: 貓鼻頭 
成個觀景台都擠滿左人呢！反而吸引到我嘅係呢一棵樹！XD

第10站: 關山欣賞日落 
等待日落中......

旅程嘅最後1 站，我地黎到關山等待日落，最估唔到嘅係喺同一個位置上，我地不但睇到到日落，仲好幸運睇到雙彩虹同感受到一場小雨呢！

第1次咁近距離見到雙彩虹，仲可以合照呢！

雖然落雨，好彩最後我地都見到日落呢！

旅行就係會帶比你唔同嘅驚喜！

想有我地嘅體驗？
https://www.kkday.com/zh-tw/product/2285?cid=2076


待續......
下篇：16天台灣環島遊：火辣辣墾丁PUB秀


更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler

16天台灣環島遊：墾丁拼車一日遊 （上篇）

Day 7 墾丁 

上年3月底，我喺墾丁以電動車方式旅遊，因為個時只有兩日，好多地方都未去呢！
咁就比我一個理由重遊舊地啦XD 哈！

今次揀左拼車一日遊，以唔同方式重遊舊地！
專車會喺唔同飯店接客人，人齊左就可以出發架啦！

司機每到一個景點，就會停落黎比我地影下相。
大景點就停1小時左右，小景點就停20到30分鐘不等。
拼車遊要注意嘅就係要知道每個景點嘅返黎時間，仲有車牌號碼，千其唔好上錯其他車呀！
唔識騎電動車，拼車遊就最好啦！可以解決左景點與景點之間交通上嘅問題喇！

上午嘅行程有5站，我地就黎一個check point 跑景點啦！

第1站：船帆石
一帆風順，寓意我地嘅旅程開始啦！哈哈！

第2站: 砂島-貝殼砂砂灘

呢個位真係幾靚，所以第2次黎同1個位都要再影呢！XD

第3站: 鵝鸞鼻公園

鵝鸞鼻公園入場費：＄40台幣，我地有1小時玩嘅時間呢！

呢度好似馬來西亞呢！哈！Albey太黑，睇唔到佢XD

鵝鸞鼻燈塔, 上一次黎錯過左，今次補番。
喺度令我地諗番起澎湖東吉嶼嘅黑白燈塔呢！

燈塔旁嘅小紫花

第4站:台灣最南點
上一次黎，我跌左一張即影即有，然後就講笑話會返黎再搵，結果我真係返左黎呀！

相片呢，一定同我一樣去左唔同嘅地方旅行啦！XD

第5站: 龍磐公園

有好多珊瑚礁石炭岩台地！

大家如果見到呢D椰子檔，冇冰嘅話，千其唔好飲，因為唔凍嘅椰子好難飲呢！中伏！！！

原本我地安排喺後壁湖午餐，點知同車遊客話之前幾日有黎過都好多人，要排隊等好耐呢！
之後就問司機會喺邊度食野......

哈！最後我地成車人跟左司機去”在地人海產”食平價海鮮啦！




待續......
下篇：16天台灣環島遊：墾丁拼車一日遊 （下篇）


更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler