16天台灣環島遊：台北深度包車遊 (上)

Day 15 台北 九份 > 黃金瀑布 > 陰陽海

黎到旅程嘅最後1日，我地由台北出發，體驗10小時嘅包車遊服務，就黎1日想去邊就去邊啦！第1次體驗包車遊，呢個方式比拼車仲正，不但有私人司機，仲有專業嘅路線指導，只要我地講出想去嘅地方，司機會安排最順序路線，點對點，唔洗煩惱交通上嘅問題，又方便又自由呢！

首先司機會去到飯店迎接，要記得車號同司機嘅聯絡呀！
呢個位我地有個小插曲XD 
我同Albey太趕，冇睇車牌亦都冇睇架車，我地竟然上左架的士，仲行左一小段路XD
因為司機打黎話喺門口，而我地又咁岩見到門口有架車，就上錯車了XD
好彩我地個司機打番黎話未見到人，但我地又上左車，先知道原來上錯車呢！
不過個的士司機就發晒脾氣，話要收番我地起標價，其實架車都只係行前左冇100米=_=||| 
算啦！當買個教訓，之後我地個司機好好人，仲幫我地比埋錢添！

我地嘅包車旅遊開始啦！上左車見到有水、有紙巾，真係服務貼心呢！

第1站：九份

九份老街喺Albey每次黎台灣都會去嘅一個景點，所以佢都好熟呢度，而我只係黎過九份1次，而且上一次係落雨，都冇咩點行過呢！好搞笑地今次就由一個馬來西亞人做導覽人員帶一個香港人遊九份，解說一下九份嘅特色！

我地由呢條九份舊道入去！

哈！行左幾步，就去買黑糖冬瓜茶，本來諗會唔會好甜，結果味道剛剛好，正！

我要完成我上一次完成唔到嘅心願XD就係影多D靚相喇！因為上次落雨又多人，的確好難影呢！
 
今次人比較少又好天，喺呢條樓梯度衝落黎都冇問題呀！哈！XD

永遠都等唔到巴士嘅站XD

原來呢個洞有得入去，仲可以通去另一邊架！上一次黎我都冇發現，Albey仲賴神秘話唔知通去邊呢XD

我喺洞入面行下行下都有D緊張添！我都已經唔高，估唔到都有彎低身嘅機會XD

喺九份亦都可以尋找到千與千尋嘅影子！

九份老街嘅昇平戲院仲保留住昔日嘅面貌，好有特色呢！

原來以前仲有軍警票呢！個買票位咁細，好有監獄嘅感覺XD

好鐘意小賣部嘅佈置！

之後Albey 話要帶我去每次黎九份都必食嘅－賴阿婆芋圓

好鐘意個種Q嘅口感呢！

你有聽過洞洞樂嗎？原來馬來西亞都有類似嘅童年玩意，我就第1次玩喇！唔知舊時香港有冇呢？

只要揀一個洞，整爛佢，咁就可以睇下入面有咩禮物架啦！最後我就抽左個用衫褸玩嘅井字過3關禮物喇！Albey話好耐冇見，睇住我玩，覺得好懷念呢！

呢一度喺Albey百看不厭嘅九份風景，的確係好有特色呢！

呢度係黎九份必影嘅景點，我地終於影到後面冇咩人嘅相喇！Yeah！

合照完更係要獨照啦！XD 呢張真係冇人呢！

哈！逛九份好難唔買野，好彩買左野都唔洗擔心，可以放係車上，輕輕鬆鬆又可以去另一個地方啦！

第2站： 黃金瀑布 

好特別的環境呢！

第3站：陰陽海 
澎湖有摩西分海，呢度都有顏色不同嘅陰陽海喇！

點解會形成陰陽海呢？
呢個答案我地竟然可以喺下一站－黃金博物館搵到呢！請留意下篇XD

呢架就係我地今日嘅專屬包車，好乾淨舒適呢！

有專屬包車真好，行到累左，又可以返去車度休息一陣，係一個好優閒的體驗呢！

想有我地嘅體驗？
【台北深度遊】歡樂包車旅遊
https://www.kkday.com/zh-tw/product/1794?cid=2076



待續......
下篇：16天台灣環島遊：台北深度包車遊 (下)
更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler