Day 12 花蓮住宿體驗：怡園渡假村
喺花蓮嘅兩晚，我地都會喺怡園渡假村住！
雖然呢度距離市中心比較遠，不過渡假村有車接送，只要預先通知就得架喇！
我地入住嘅係典雅雙人房！
房間非常寬敞舒適，好有家嘅感覺呢！
我同Albey都好鐘意呢度嘅環境呀！呢度嘅房間採用和風設計，又簡單又乾淨呢！
呢度嘅浴室空間都非常大，除左淋浴，仲有得浸下添！
浴室嘅步道設計，除左美觀亦都可以防滑呢！
而房間嘅外面，一踏出去就係一個休閒區！
晚上散散步，應該都好舒服呢！
我地喺房間休息左一陣，睇下電視、傾下計、打下文章，呢幾個鐘我諗係成個旅程中最悠閒架喇！XD 之後我地就去恰園廳食晚飯喇！
嘩！好好餸呀！不過我地得2個人6個餸誇左少少呢！
係度我地食到家嘅味道呢！好好味呀！
食飽飽，我地就去行下喇！
村入面夜晚有唔同嘅活動，7點開始打頭陣嘅係阿美族原鄉知音演唱！
聽著60年代嘅歌曲、睇著原住民嘅舞蹈，我地一齊走入小數民族嘅世界吧啦！
好多人喺晚飯後都過黎揍熱鬧呢！
原來阿美族係母系社會，結婚嘅話男嘅要入贅！
感覺上女嘅都係比較主動，會喺鐘意嘅男仔隔離跳舞！
阿美族嘅女生如果睇上左一個男生，就會將一個情人袋掛係佢身上, 表示要緊緊地套住佢，真係好有趣呢！
成個表演都非常精彩，好幽默咁表現左阿美族嘅文化呢！
表演時都會邀請現場觀眾互動，一齊合唱「高山青」！
阿美族嘅舞蹈教導
表演完就可以同佢地影相啦！
今晚，我地學識左阿美族嘅舞蹈、問候、感謝、歡呼聲等等嘅文化，唔知道日後會不會有機會用得著呢？
阿美族原鄉知音演唱之後仲有黏土DIY同放天燈活動，因為兩個活動我地喺旅程中都玩過，所以就選擇去周圍行下！
Check in 個時見到怡園渡假村入面有好多設施同活動，好岩一家大細玩架！
室內活動有藍球機、乒乓球......
室外嘅就有游水、單車等等！真係好想喺度住耐D呢！
我地喺時候又要開工喇！今晚就一邊飲野，一邊打文章，感受一下渡假村嘅悠閒啦！
