Day 11 台中＞清境
食完早餐，我地就搭由台中去清境嘅共乘車，向清境出發！
途中司機同我地講下午應該會落大雨呢！之後我地都好驚，因為我地下午諗住去清境農場，落雨就慘喇！好多地方都無遮無掩呢！又話落完雨之後睇日出係最靚，我地第2早又真係會去合歡山睇日出！又想佢落，但又唔想佢落，好矛盾呢！不過都控制唔到！XD
雖然天黑黑，但我地都係決定要黎清境農場，因為我地已經冇第2日喇！
好彩開頭雨比較細姐！
買好左門票後，我地就趁未大雨快速玩喇！
呢度有好多羊羊嘅設計，好可愛呀！
羊羊花盆
羊羊垃圾筒
羊羊風車
仲有滿滿嘅風車裝飾、一片薰衣草，好浪漫呀！
唔知係咪因為接近風車節，呢度有好多同風車有關嘅裝飾呢！
一開始見到一隻剃左毛嘅綿羊，諗住搵到隻多D毛嘅先合照，之後又見到1隻有好多毛嘅，又諗住去遠D見多D再影，結果突然雨愈落愈大，D綿羊走晒，同唔到佢地合照喇！
有D野真係可一不可再 >.< 唔好諗住有下一次呢！
之後一直落雨，綿羊們都躲左喺帳篷裡面呢！
唯有同假嘅影著先啦！
原來除左我地堅持落雨都黎，呢對新人都堅持落雨都影婚紗相架！
霧氣咁重可能會影到其他特別效果呢！XD
哈！我地就影到咁嘅效果喇！
之前Check左，今日有馬秀表演，但咁大雨唔知會唔會有影響呢！
當我地見到未開場前D馬係咁係到淋雨，就覺得好慘呀！行過去同佢地影相時，佢地即刻好大反應，超近距離，嚇左一跳呢！可能係因為落雨都被鎖左係度，唔走得，唔開心呢！
馬秀表演原來係室內，好精彩呀！
之後我地就由步步高昇行人步道走去小瑞士花園喇！我地真係睇少左個梯級呢！
又落大雨、又著拖鞋，一個唔小心，好危險呢！當Albey提醒完我要小心路滑，後1秒Albey就跌到跪左係地上爬唔起喇！=0=|| 好彩冇傷到要害！因為依然好大雨，所以我地唯有繼續行......
個時都幾狼狽，超級大雨，我地已經行左好耐，但估計都仲有一段路呢！所以我地決定除拖鞋行，安全D，我地好明濕係級級可危，多過步步高昇啦！XDXD 落雨好唔建議行呢度呀！
我地終於見到盡頭喇！原來我地行左487級樓梯呢！
好可惜落雨、好可惜唔夠時間，要趕下一個行程，我地只好喺小瑞士花園門口影張相，到此一遊啦！
希望下次有機會晴天黎，我要同多毛嘅綿羊合照、要去小瑞士花園！
