16天台灣環島遊：在睡夢中環遊世界

Day 10 台中住宿體驗：S TERMINAL HOTEL 十興商旅

上午高雄單車半日遊、下午台日高美半日遊，夜晚仲有台中夜生活添！第10日真係好精彩、好充實呢！

由高雄到台中都係短短半日嘅事，隨著夜生活嘅結束，我地嘅住宿體驗又開始喇！

呢一晚我地去到左S TERMINAL Check In，準備起飛，去西班牙嘅巴塞羅那喇！XDXD
在睡夢中都可以環遊世界，真好^^

S TERMINAL HOTEL 十興商旅設計就好似一個小型嘅機場，抱著環遊世界嘅概念！
一踏入旅館大廳，就可以見到Arrival ＆ Departure 嘅類似登記牌嘅設計，真係好似準備登機出發咁呀！

呢度簡直係為鐘意旅遊嘅人而設計咁呀！

從CHECK IN大廳就可以感受到旅館喺設計方面嘅用心！好期待房間呢！

我地間房－西班牙嘅巴塞羅那主題！

之後老闆娘仲帶我地去參觀其他房間，近近地可以去埋其他國家喇XDXD
有以大象嘅圖案突出泰國嘅風格，好想講句：SAWADEEKA！

仲有我最鐘意嘅英倫風，就連茶具、公仔都好特別精選架！

環遊世界又點可以唔寄明信片呢，真係設想周到喇！

S TERMINAL每間房間都以唔同國家作為房間主題。房裡面都會融入一D 該國家嘅文化特色，非常用心。住喺呢度真係好有處於異國嘅感覺呢！

S TERMINAL HOTEL
地址：臺中市西區忠民南路333號
電話： +8864 2302 5066

參觀完我地就返房努力打遊記喇！呢一日咁多行程，我地一邊玩都一邊分工中架喇！
依舊我就係沖完涼開工，臨早上先訓，Albey 就訓完早上先開工！大家互叫大家，萬一起唔到身XD

相處左10日，我地已經分唔開訓XDXD 本來老闆娘安排我地每人一間房，我地就覺得1間都夠喇！因為我地太多野要Share 喇！Share 相、Share 片、Share 心情......
講開Share ，呢度個廁所門同浴室門都係Share架！好慳位嘅設計呀！XDXD 

呢一日用左好多Energy，去到晚上真係好眼訓！唯有靠食頂住，結果我1晚食晒DIY嘅芋頭酥，逢甲夜市打包嘅小食都清左大部份，唔怪得D人話唔夠訓會大食D啦！Oh No~~~
呢一晚有一個遺憾，就係第10日太多片，好想全部剪晒，但因為時間問題，取捨左，個時即時有好多都出唔到呢！不過現在已經全部剪完，補番呢一個遺憾喇！哈！

第2日早上，我地拎住First Class嘅證，黎到附近餐廳，享用早餐！

呢間餐廳嘅設計都好特別，好似散發著唔同國家嘅氣質，但又融為一體呢！

呢度仲有好多唔同類型嘅書，好彩有埋報紙，我地可以即時睇到自己嘅報導呀！

我同Albey都好興奮，第1次上台灣蘋果日報，仲要係成頁紙！訓少D都抵呀！哈！

最後老闆娘仲特意為我地點左個最新飲品，比我地試下味！

可惜個早餐太大份，我地已經飲唔晒喇！

食完早餐，準備向清境出發！

待續......

下篇：16天台灣環島遊：清境下雨天

更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler