黎到京都著住和服賞櫻花，係一個好好嘅畫面！
真正試過嘅，都會知道係好睇唔好受呢XD
出發前網上預訂左和服體驗服務，Book 埋時間，當日直接去就得喇！
我就選擇左夢館，好近我地住嘅民宿，行過去都係10分鐘左右呢！
夢館
材木町．初開の道路上的櫻花
起身嘅一刻，聽到滴滴答答......唔係呀嘛！落雨！！！！
記得去之前諗過最壞情況就係著和服落雨，OMG 應驗左！=.=
都Book左～沒有辦法啦！Life must go on…XD
我地Book 左10點半，由揀和服、穿著、Set 頭到拎埋鞋袋，不停上上落落，可以話係亂中有序啦！
12點左右就完成，可以租借到7點！
下雨天嘅和服體驗日出發喇！慶幸唔係落大雨呢XD
著和服感覺係好多時候都要就住就住XD 行路要細細步、上半身基本上都係要挺直，唔怪得著和服嘅都咁斯文啦！XD
落雨加上拎腳架，鏡頭後都幾蝦碌XD 唔理喇！最重要係影到靚相^^ 哈！
我地全程都係擔傘行路，沒有特別路線，邊度有靚景就去邊到XD，這就是隨心行！
下材木町．初開の河畔垂櫻
雨愈落愈大喇！避一避先XD
下京區船頭町嘅一個超窄嘅店鋪，老闆很健談、很有趣呢！
知道著和服好唔方便，仲提醒我店內嘅廁所係和式，最好唔好用XD
食完飯，停雨喇！繼續影相影相！
京都市鴨川．初開の櫻花
哈！係咪好有拍劇嘅感覺呢XD
京都市東山區
除左影花，更係唔少得影人啦！哈！係咪都分唔到邊個係日本人呢？
撞到班學劍道嘅弟弟～好可愛呢！
河源町可愛Promotion 公仔
哈！拎左佢個お菓子玩下先XD
海賊王都有和服Look ^^
邊行邊食，呢個好好食呀！
京都清水寺好多人呀！
外國人著和服好得意呀！我地仲特登揾佢地影相添XD
之後估唔到外國人揾番我地影相XD
初開の櫻花
半開の垂櫻
行左成日好累呀！
好彩近民宿，可以返去休息下，仲可以同民宿主人影下相，呢個裝束更加融入佢地呀！
7點前我地返去還衫，著需要2小時，但除就只需要幾分鐘XD
除左和服就可以輕輕鬆鬆賞夜櫻喇！
