日本中部．關西之旅 - 京都夜生活篇

賞夜櫻．居酒屋．按摩，就是京都夜生活^^

夜の河畔垂櫻加上兩個燈籠，唔知點解諗起千與千尋XD

除左和服，輕輕鬆鬆賞夜櫻喇！不過個頭飾襯便服，怪怪地呢XD同一條路，但早上同夜晚感覺好唔同！

夜晚嘅櫻花特別有味道呢！夜櫻比我嘅感覺係浪漫、沉寂......

喜歡隨心行, 誤打誤撞入左呢間居酒屋！
鳥せ魚四条木屋町店
http://www.torisei.com/shop/kiya.html

好彩我地早入黎一步XD 隨後有1行10多人的中國旅客呢！員工好型咁直接話我地呢度沒有咁多位，但佢地堅持等，然後員工又直接話應該今晚也等不到啦！過左一陣又返黎，問可唔可以分開坐，員工其實都幾為難，就話位真係唔多，佢地就直接入去睇有幾多位，然後自己圍內就安排好點分開坐。員工、老闆最後都無奈接受=.=作為旅客，旅行時，食唔到想食嘅野，當然會失望啦！但強人所難亦有點兒過份既！

要分享番呢度員工英文幾好，仲介紹我地咩值得試呢個係推介～不過就麻麻地啦～

呢個唔知咩雞絲飯加上地道嘅湯，都幾特別～

最好食都係串燒！各種肉都各叫左一份XD

著左成日和服，影左成日相，好累呀！係時候鬆一鬆啦！京都市下京區－真町 Lapis 樓上按摩店，又係另一個誤打誤撞XD呢個都真係貴既～3000 yen 得半個鐘～不過都幾舒服^^旅行就係咩都要試下XD

有個按摩店女職員不停笑，好似好開心咁XD令我諗番起剛畢業做第一份工時，都係係咁笑～仲有”哈！哈！哈！”嘅稱號XD隨著經驗嘅累積，因為形象要專業，漸漸收起笑容，講說話又要有技巧，要比人有說服力嘅感覺！但呢個係咪真係適合自己呢？好開心～1年Gap Year 後，心態上改變左，要找適合自己的工作，要過自己想過的生活^^哈！哈！哈！又返黎喇！

按摩完又肚餓喇！XD 係71 食過關東煮，冇咁Heavy 呢！哈！

返到民宿，準備聽日嘅裝束XD 去神社喇！

待續...

更多生活旅行事的分享^^

Life goes on.