Thursday, June 11, 2015

日本中部.關西之旅 - 大阪的最後一刻

旅程嘅最後一刻,大家通常會做D 咩呢?慢慢感受?最後血拼?在最後一刻,我選擇左喺街上遊走、慢慢欣賞滿開嘅櫻花、品嘗最後嘅地道拉麵,再將自己鐘意嘅衫帶番屋企^^



行下行下,好幸運地見到喺鬧市中盛開著櫻花嘅神社!








我最鐘意白色嘅櫻花,希望下次見到花吹雪啦!




超鐘意食拉麵嘅我,當然要食到最後啦!第一次用自助機買拉麵食券,仲有得加大、加其他配料,超方便呀!



店鋪雖小,但出入門口都有指定,好效率呀!



繼續遊走......
發現好藝術嘅街燈,每一盞都係唔同架!





如果有時間,我會入去XDXD  宅男宅女必會心動呢!



最後的最後,就是把喜歡的帶回家^^呢幾日喺日本,觀察到日本妹好喜歡著絲襪同乾濕褸,入鄉隨俗XDXD

 
哈! 買絲襪時就出事了,我想要近膚色的,結果包裝是近膚色的但真實是黑色T^T, 原來有個好細嘅標韱寫著黑色囉!=.=||| 不過真係好薄,好透氣,仲好易破XDXD可能我太粗魯XDXD 哈哈!



而乾濕褸就好滿意啦,薄薄地原來好暖,唔怪得日本人冬天都可以只係一件乾濕褸啦!哈!呢個Sales 好靚呀!西洋和風^^ 同佢可以半日文半英文溝通XD




6天的時間由日本中部走到關西,雖然每個地方都不能長留,但反而更珍惜每一刻! 名古屋、白川鄉、高山、京都、奈良、大阪,每一個地方都給我要再來的理由。在名古屋,還來不及感受日生活,在白川鄉,想再回來感受春天,在高山,想在這裡住一晚,在京都,想體驗一次當藝技,在奈良,想帶食物來餵鹿,在大阪,想玩環球影城……



今次的日本中部.關西之旅的分享完結了,但我的旅行是一個接著另一個的^^


讚好我的專頁,分享及交流更多生活旅行事^^

Life goes on.