作為試玩員嘅我地，除左玩之外，當然仲有住宿體驗啦！雖然每日都換唔同酒店或者唔同房間好麻煩，不過亦都因為咁，我地體驗左好多唔同類型嘅住宿！
第一晚我地入住京站大師商旅，apartment式酒店很有家的感覺呢！京站大師商旅
喺台北車站Y1出口，有個大師商旅櫃枱 for Check in!
Check in 完就會帶你去到前少少Y3 出口附近入住！
先上5樓平台，再轉Lift 上18樓，1815號房間，到達我地嘅Apartment 啦！
一入到去我地已經攤開晒D野，個客廳基本上係我地逗留得最耐嘅地方XD個一晚我地一齊坐係梳化談下心，Albey 仲推介左好多台灣節目比我呢！
見到有2間房，哈！我地更係要決定邊個訓邊間啦！我地猜”包剪揼”決定XD，結果......睇片啦！
雙人房，又有電視又有大窗口睇夜景，正！
京站大師商旅附近有個小型夜市，亦都係我地今次旅程第一個夜市－寧廈夜市！
個度人少少但食物種類都多，由頭到尾行左1轉！
最後決定試下呢間泡菜炒麵蔥油餅，好好食呢！
食完野返到酒店，都差唔多12點，3個鐘後我地嘅行程就正式開始啦！
待續......
下篇： 16天台灣環島遊：陽明山日出＋行山之旅
更多分享與交流：
lnstagram
