Day 2 台北：陽明山
第1個行程我地好熱血咁, 3:45 am 出發去陽明山睇日出啦！
行程大約5小時，睇完日出再行山，幾健康呀！XD
上陽明山途中，做司機既一D都唔容易呀！路很窄，又彎彎曲曲，又要摸黑搵
路，因為呢度行車路後段係冇燈，愈入就愈黑，都將恐怖！！！
好彩我地係乘客，可以一邊聽當地的趣事，一邊輕輕鬆鬆爬山^^
呢個就係參加Local Tour 好處啦！
原來陽明山唔係一座山，而係一群山組成嘅一個地方。
第1站： 大屯山頂航領站・迎接日出
4:30am左右，我們到達大屯山頂航領站，準備迎接日出！
估唔到係日出前，我地仲可以睇埋台北市嘅夜景呢，好靚呀！
對面就係七星山，係呢度最高嘅山，我地天光後就會過去個邊行山啦！
哈！只係用車代步姐！XD
早起嘅鳥兒有蟲食，早起嘅我地要吃左呢個日出XD
哈！可能日出都怕左我地，所以係等待過程中，一直有很多霧飄過去，好似要躲起來咁呢！
喺大屯山頂航領站欣賞日出平台嘅下面有一條清朝嘅道路，我地就回到過去感受一下古人係點樣行山啦！好似探險咁！
第2站： 竹子湖梯田地景 + 小油坑・地熱奇景
之後我地就用車代步，爬到去七星山個邊啦！
呢個位可以一次過見到晒竹子湖梯田地景同小油坑呀！
竹子湖梯田地景有點日本的白川鄉的感覺，童話式的世外桃園。
旅行的時候，你會發現世界上其實有很多的相同跟不同呢！
我們正面對小油坑噴氣口，聞一下這裡像臭雞蛋味的琉磺味！
好難聞呀！聞得多會中毒，所以都係唔好學我地啦！XD
呢度係活火山，地熱活動一直都運作中，雖然危險，但咁樣先有一種地球係活著嘅感覺。
人生都係一樣，平嘅心跳圖即係死啦！所以人生就係要尋找挑戰，去旅行刺激一下你嘅心跳吧！
第3站： 冷水坑步道
早上喺冷水坑步道散散步，感覺真好^^
行過菁山吊橋個時，有好多叔叔晨運，仲用台語同我地打招呼添！
雖然唔知佢講咩XD 但透過身體語言就會明白，溝通不一定靠口，簡單一個微笑都已足夠！
第4站：牛奶湖奇景
呢度以前係冷水坑硫磺礦場，露天挖的凹地，顏色真係好像牛奶一樣呀！
估唔到一陣我地真係會見到牛呢！哈！
第5站：擎天崗大草原
一踏入呢個草原，呢個風景已經令我地影過不停喇！
喺海拔H757M嘅大草原，我地睇到一幕又一幕嘅靚景。
