Day 5 澎湖南方小島－西吉嶼－藍洞
如果話東吉嶼係「被遺忘的島嶼」，咁西吉嶼可以話係「遺落仙境」。
西吉嶼北端有座海蝕洞，因為頂端塌陷，當地居民稱為「灶籠」。
海蝕洞因為嚴重侵蝕，下方玄武岩斷裂崩落後，形成一半開放孔洞，陽光照射到洞內海水藍如寶石，所以又稱為「藍洞」，又靚又神秘呢！
日本網站DDN JAPAN喺2013年分享左一系列由台灣玩家張震清所拍攝嘅「藍洞」，好全面展示左「藍洞」鬼斧神工嘅一面！
哈！咁我要點影好呢？
藍洞的玄武岩群
我地終於黎到神秘嘅藍洞喇！
可惜船只可以喺外面停一停，比我地影下相，唔會入去啦！
不過因為呢個都係一個海蝕洞，會有斷裂崩落危險既！
然後我腦海中就浮現了好多問題XD
要點樣喺短時間內影到好嘅相片呢？
又要影到藍洞、又要影到人、喺船上又唔能夠放腳架，加上全船嘅人呢一刻焦點都喺船頭位置欣賞藍洞，又唔好意思喺最佳位置獨佔太多時間，點算好呢？
我地喺船上走黎走去搵唔同嘅角度，都係發覺船頭最好！
之後船長安排左我地排隊，每個人都有機會企喺船頭同藍洞影相架！
大家都急著到船頭同藍洞影相呀！排隊時候都可以試一試角度先，不停影影影！
喺船頭影嘅我同藍洞合照！有人話：「呢張有海賊王嘅感覺！XD」
我同Albey呢張相係搵人影嘅，好似唔係好影到個洞呢！
好靚嘅藍洞呀！好似穿過左就會係另一個世界嘅感覺，好想入去睇睇呢！
