Day 5 澎湖南方小島 -東吉嶼
我地今日去澎湖嘅南方小島，個邊冇沙灘，冇水上活動，一齊黎認識一下澎湖嘅另一面啦！
喺南海遊客中心上船，好幸運地我地可以坐喺船長控制室裡面，一邊聽旁說，一邊出發啦！
還有一個女船長！放心，船還沒開XD
我地到達左南方小島第1站－東吉嶼喇，當然要同船長合照啦！
東吉嶼係南方四島中面積最大，由馬公市過去大概1小時多D！
東吉嶼亦都被稱為「被遺忘的島嶼」。
據說呢度曾經住過好多人，但因時代嘅變遷，現在只剩下幾十戶人家係度居住喇！
所以漸漸被人遺忘呢！但呢一度仲保留著佢嘅特色同原本嘅面貌架！
一落船我地就由左手邊開始行山，喺會係東吉嶼行一圈，最後返番去海港！
沿途有用珊瑚起嘅住宅
從高雄飛黎澎湖嘅小型飛機殘骸 (1987年發生過空難而被迫下降嘅地方，而飛機殘骸仲保留係度）
雞角刺(台幣1000元裡的花朵圖案)，仲可以曬乾做茶葉呢！
仲有一大片嘅狗尾草呢！
我地到左黑白色嘅東吉燈塔喇！呢個塔係地標之一！
遊覽過燈塔後，就從小路下山，喺島上行左一圈，仲搵到唔少日佔時期嘅影子。
聽講呢度係最接近台灣本島，係以前廈門同台灣重要嘅地點，所以日佔時期，呢度就成為左重要嘅戰略位置喇！
人有民宅，菜都有菜宅。由於冬天時候風會非常大，為了保護種植嘅菜，居民會建立一棟棟嘅菜宅抵風！
隨著步道行到最後，我地可以從山坡上眺望成個個東吉嶼的港口同聚落！
