Thursday, August 6, 2015

16天台灣環島遊:在馬公市遊走,在赤崁碼頭落跑!

Day 6 媽祖廟>四眼井>篤行十村>張雨生紀念館>潘安邦紀念館



黎到澎湖嘅最後一日,我地去了馬公市嘅一D景點參觀。
仲有喺赤崁碼頭嘅新景點:電影”落跑吧 愛情”嘅民宿呢!




第1站:全台灣最古老的媽祖廟
澎湖媽祖廟是全台灣最古老的媽祖廟,李大哥同我地講左好多關於媽祖廟嘅故事,原來馬公市名字嘅由來係因為呢個媽祖公廟而延伸而成「馬公」嘅諧音!


呢間媽祖廟嘅特色就係有9級石梯,呢個石鼓係用黎消除霉氣架!

通常媽祖廟都會有2個門口,一邊係青龍,另一邊係白虎!


記住要由青龍入,白虎出呀!如果唔係就 ”送羊入虎口”啦!XD


第2站:古蹟-四眼井
四眼井喺媽祖廟附近,由明中業開始到現在有400幾年歷史,以前係一個大井,因為個井口大太,驚會有人跌落去,造成意外,所以就將佢分為4個井口,咁就安全D啦!


第3站:篤行十戶
篤行十戶喺全台最早嘅眷村,呢度跨越左清朝、日佔時期同民國時代,蘊藏著豐富嘅歷史同故事架!呢度嘅建築好有特色呀,好適合影相呢!

之後去左兩個紀念館,佢地可以話係澎湖嘅代表人物呀!

雖然我唔太熟悉佢地,但佢地留落黎嘅野係會深深咁影響住後人架!




第4站:張雨生紀念館

“我知道我的未來不是夢,我認真去過每一分鐘”
好鐘意呢句說話呢!

第5站:潘安邦紀念館
Albey黎澎湖前就已經一直哼住”澎湖灣~~澎湖灣......” 
我地終於可以感受一下”外婆的澎湖灣”啦!

呢個係細個嘅潘安邦同佢外婆嘅銅像呢!

影片中Albey仲會唱歌添!哈!

Albey 聽嘅係潘安邦嘅”外婆的澎湖灣”,而我聽嘅就係小齊嘅版本喇!

李大哥佢地仲帶左我地去未上映嘅電影”落跑吧 愛情”嘅民宿,呢個喺赤崁碼頭嘅新景點我地去嘅時候完全沒有人呢!

我地可以搶先”落跑吧”!哈哈!


喺澎湖嘅呢幾日,好多謝當地導遊李大哥同啊麗,介紹左我地好多好玩嘅地方同好味嘅野食!
哈!係咪奇怪野食點解未出黎呢?因為真係多到可以寫2篇文呢!XD 真係要特別多謝佢地,半夜都仲買宵夜比我地呢!


澎湖嘅當地導遊:愛玩假期
https://www.facebook.com/iitour.tw



待續......
下篇:16天台灣環島遊:澎湖必吃美食(上)

更多分享與交流:
Facebook: www.facebook.com/lifegoesonfreestyletraveler
lnstagram:york.york.freestyle_traveler