日本中部．關西之旅 - 京都女僕神社篇

一直都好期待去伏見稻荷神社，因為個度嘅千本鳥居好震撼呀！

本來想著和服去神社影相，但因為前一日時間太趕喇！於是喺去之前就諗係個度著唔到和服，都要搞搞新作先XD結果比我喺名古屋嘅大須觀音買到件女僕裝，就嚟一個古今Crossover 啦！

JR伏見稻荷站一出站過條馬路就係伏見稻荷神社啦～

叼著鑰匙的狐狸，是稻荷神的使者

喺日本入神社參拜要先洗手，雖然我唔係參拜，都要入鄉隨俗！

向著小小鳥居許願，都係800 yen XD 太靚喇！我反而想拎番屋企XD 講笑～

好多野都係帶唔走嘅，影低呢一刻就係最好嘅回憶啦！

呢度都有棵半開嘅櫻花呀！哈！不過今日重點不是櫻花，鳥居鳥居鳥居鳥居鳥居......(  千個）XD

嘩！終於見到喇！好興奮呀！
不過真係好多好多人呀！！！

千本鳥居好彩有分左右，可以分隔人流，出口都係同一位置，向左走，向右走，都冇咩分別。

鳥居嘅一邊刻左納．奉，另一邊刻左日期、人名、地名、公司名等等，記敍左每一個鳥居嘅歷史。

D 人係一批批，只要等一等都可以影到D 冇咩人嘅相嘅！

愈行愈入時，會發現後面嘅鳥居比較高大同疏番少少！都係覺得密D 矮D 影相靚D 姐！

出左鳥居之後，又見到狐狸喇！諗起Naruto 入面嘅九尾，係用鳥居嚟封印架！XD

日本狐狸可以好型～

亦都可以好Q ^^

兜左個圈，睇番地圖，原來都行左3分2 XD 

聞到好香呀！神社附近有D小檔攤賣小食呢！八爪魚丸呀！（不過好睇唔好食！）

呢個蟹肉棒超好食呀！（雖然老闆Cool Cool 的XD）

係呢度用左2個鐘，就可以玩晒架喇！

女僕小插曲：喺神社入面，有班日本學生搵我影相，更係講：「いいです！」（好的）之後問我係邊度嚟，我就答「香港」，佢地就驚訝：「日本人じゃない？」XDXD 哈！唔知係我裝束似定係我句「いいです！」講得好呢XDXD不過學習一個地方嘅語言，唔係只係口頭上對答，而係要去感受一下當地嘅文化！

待續...

更多生活旅行事的分享^^

Life goes on.