好掛住日本呀～好耐冇去日本喇～話時話我都未試過夏日祭典時候去日本玩，只係有一次去沖繩時剛剛遇正那霸大綱挽祭り同埋有去過北海道雪祭，真係好想夏天去一次日本，感受一下夏日祭典呢！
喺未有得去日本前，去住港版嘅夏日祭先啦！
尋日經過荃灣見到喺熊貓酒店（悅來酒店）入面有個日本熊貓夏日祭，以日本四大祭典（七夕祭、睡魔祭、竿燈祭、花火祭）為主題，有浴衣體驗、打卡影相位、祭典美食檔同埋市集等等，市集喺星期五六日先開，Happy Friday或者放假經過荃灣可以過去玩下呀！
我去嘅時候係星期六嘅下午6：30左右，人少少而且好多美食檔都接近收檔，所以就直接跳過市集，去影相打卡啦！
入到去最裡面的位置，有幾款浴衣試穿（適合男女的顏色都有）、有祭典道具（面具、祭典扇、油紙傘、「祭」字燈籠）、自助自製許願牌和不同的影相打卡位置！
大家可以著住浴衣，運用唔同嘅佈景同道具，假裝一下自己去左日本參加夏日祭典啦！
影相打卡位置1：神社鳥居佈景板（想起京都的伏見稻荷神社）
拿起油紙傘在鳥居下漫步～一秒去了日本呢！
影相打卡位置2：兩排「祭」字燈籠位置
配合鬼怪面具好有鬼太郎Feel～
見到天狗面具馬上想起鬼滅入面炭治郎嘅師傅～「我要斬鬼啦！」
影相打卡位置3：許願牆位置
許願牌有兩款：不倒翁和櫻花～可以親手寫下願望然後掛上
估唔到我可以喺呢到玩咗半個鐘，去過日本嘅朋友都會覺得呢度唔可以同真正嘅日本相比，不過喺冇得去日本嘅情況下自娛一下都唔錯呢XDD
可惜來得太遲，市集裡面的檔攤好多都收檔了，如果大家想玩盡熊貓夏日祭就記得星期五六日早啲過嚟啦！
熊貓夏日祭
地址：荃灣悅來酒店3樓
期間限定：2021年7月16日至9月5日（注意：星期五六日先開）
時間：11:00-20:00
影片分享：
相關文章：
【香港好去處】荃灣光板田村。彩虹樓梯。壁畫｜尋找隱世「港版彩虹眷村」（含清晰的步行路線來回不用1小時）｜留白Cafe。嘆下午茶
https://yorkyorkpau.blogspot.com/2021/03/hkversionrainbowvillage.html
香港好去處
https://yorkyorkpau.blogspot.com/p/blog-page_24.html
更多分享與交流：
lnstagram：york.york.freestyle_traveler
YouTube： https://www.youtube.com/c/YorkPau
Facebook: www.facebook.com/lifegoesonfreestyletraveler
Blog: http://yorkyorkpau.blogspot.com
No comments:
Post a Comment